Демокартик Ўзбекистон Конгрессининг

Баёноти

6-17-2005

2005 йилнинг Май ойида Андижонда юз берган қонли воқеалардан кейин Ўзбекистон ва АҚШ муносабатлари жиддий ўзгаришларга юз тутмоқда. Бир қатор АҚШ ташкилотлари Ўзбекистондан чиқариб юборилди ёки чиқиб кетмоқдалар. Мана энди АҚШнинг Хонобод аэродромидаги ҳаво кучлари фаолиятини чеклаш ва бу кучларни бошқа жойга чиқариш ҳақида ҳам гап сўзлар бўлмоқда. Шунингдек, Ўзбекистонга нисбатан жиддий санксиялар қўйиш чақириқлари янграмоқда.

Ана шулардан келиб чиқиб, Демократик Ўзбекистон Конгресси қуйидагиларни баён этишни лозим деб ҳисоблайди.

1.Ўзбек халқи учун қийин бўлган шу кунларда АҚШ 26 миллионлик халқ томонида туриши ва бу мамлакатни Россия ҳамда Хитой каби йирик кучлар ва диктатура чангалига ташлаб кетмаслиги керак.

2.АҚШ Ўзбекистонни ўз ҳолига ташлаб кетиши эмас, балки бу мамлакатни демократия йўлига олиб чиқиш учун жонбозлик кўрсатса, бу халқнинг хохиш иродасига мос тишган иш бўлади.

3.АҚШ ҳаво кучларини Хонободдан олиб чиқилиши ҳам бир қатор ноҳукумат АҚШ ташкилотларининг фаолияти тўхталганида бўлгани каби Ўзбек халқининг стратегик манфаатларига зид тушади. Аксинча, АҚШ фаолияти тўхтатилган ноҳукумат ташкилотлар ишини тиклаш учун Тошкентга Ўзбекистон ҳукуматининг БМТ ва бошқа халқаро доирада олган мажбуриятларидан келиб чиқиб, босим ўтказиши зарур ва қўйиладиган санксиялар халққа зиён етказмазлиги, Каримов ҳамда унинг режимига қарши бўлиши керак.

4.Биз АҚШнинг Андижон воқеалари бўйича мустақил текширув ўтказиш чақириқларини қўллашимизни яна бир бор такрорлаган ҳолда уни Халқаро миқёсда мустақил текширув ўтказиш учун масалани Авропа Иттифоқи билан бирга БМТ нинг кун тартибига киритишга ундаймиз.

Андижон воқеаларининг халқаро текширувдан четда қолиши бу демократиянинг мағлубияти ва диктатуранинг зафари бўлади.

Демокартик Ўзбекистон Конгресси