ДЕМОКРАТИК ЎЗБЕКИСТОН КОНГРЕССИ
ТАЪСИСЧИЛАРИНИНГ ИЛК ЙИҒИЛИШИ
Ўзбекистон демократик кучлари орасидаги тарқоқликка берҳам бериш ва фаолиятларни мувофиқлаштириш
мақсадида бошланган ташаббуснинг илк натижаси ўлароқ
2005 йилнинг 11 Июн куни АҚШ пойтахти Вашингтонда Демократик Ўзбекистон Конгресси таъсисчиларининг йиғилиши бўлди. Демократияга тарафдор, диктатурага қарши бўлган ҳаракатлар, партиялар, гуруҳлар, сиёсий етакчилар ва уларга хайрихох бўлган меҳмонлар қатнашган йиғилишда фаолиятларни мувофиқлаштириш масаласи бугун юзага келган шароитнинг кескин талаби эканлиги ва буни идрок этиш учун у қадар ҳам сиёсатдон бўлиш шарт эмаслиги таъкидланди.
Йиғилиш қанашчилари бугунги вазият ва амалга оширилиши лозим бўлган вазифаларга доир Баёнот қабул қилдилар.
Мамлакатни демократия йўлига олиб чиқиш юзасидан қилинадиган ишларни муҳокама этиш учун мухолифатнинг кенг қатлами иштирокида Демократик Ўзбекистон Конгресси қурултойини ўтказиш ва унга тайёргарлик кўриш учун ишчи ҳайъати сайланди.