“Bugungi yoshlar” mavzuga qaytib

Bizam  dili vayronalardan

O'zbekiston  yoshlari!  Dadil qadamlar.  Ko'zlarda uchqun porlab turibdi. Ozoda  va xushbichim liboslarda.  Ularning yuzidan   O'zbekistonni  ertaga jannatmakon o'lkaga aylantirish ishonchi  shundoqqina ko'rinib turibdi. Qanchalar go'zal! Qarab to'ymaysiz ularning ana shunday siymolari tushirilgan suratlarni  shaharning markaziy ko'chalarida ko'rib. Fotografning qobilyatiga tan bermasangiz  nomard ekansiz.  Axir  yo'qdan bor qilish bu  faqatgina san'at emas, mo'jizaku!

Dilingizdagina  men ham angladim.  Aytmoqchisizki,  bor narsani  borligicha ko'rsatish kerak.  To'gri,  ammo tasavvur qiling. Sovuq o'rmonlarda  dirdirab turgan, ust boshiga qarab bo'lmaydigan,  mardikorlikning zahmidan qo'llari qabarib ketgan o'zbek  yigitining surati  qayerda-yu,  eng  so'ngi modeldagi LCD monitori  yonida  jilmayib turgan yigitning surati qayerda.  Ooo  birodar  ozgina etika, estetika  degan narsalardan xabardor bo'lish kerak bu san'atni anglash uchun.  Qolaversa biznesda talab degan narsa bor. Bundan  tashqari  fotograf akamizning aqllari hozircha joyida.

Jahlingiz chiqmasin.  "Bu ezma  ozi nima demoqchi "  deb yuzingizni  burishtirishga  ham biroz erta. Negaki  bizam sizga o'xshagan dili vayoronalardan. Dardimiz  bir. Keling undan ko'ra bugungi  Ozbekiston yoshlarining haqiqiy portretini birgalikda chizamiz. 

Kelishdikmi?

Barakalla.

Mo'yqalamni navbatma navbat  qo'lga olamiz. Xavotiringiz  o'rinli.  Ikkovlashib bir baloni boshlab qo'ymaylik. Mo'yqalamni rassomga chiqargan. Siz bilan bizga oddiy qalam ham bo'laveradi.  Yozsa bo'ldi. Ko'p  gap ... Yaxshisi  boshladik.

Nima deb oylaysiz bugungu o'zbek yoshlarini necha  guruhga bo'lib o'rganish mumkin?

  Men uchga  guruhga bo'lgan bo'lardim.

  birinchisi  haqiqiy vatanparvarlar

  ikkinchisi  soxta vatanparvarlar

  uchinchisi  na haqiqiy na soxta vatanparvarlar.

Birinchi guruh vakillari ancha sergak,  fikrlari teran  lekin qo'llari kalta.

Ikkinchi  guruh vakillari eski zamon shiorini  yangilab olgan yoshlar. 

Eski  zamon shiori -  bo'y  egib turish bu saodat. 

Bo'y  egib turish  bu saodat.  Vaqti vaqti bilan  atrofga qarab  qo'yish   donolik.  Balki nimadir  o'zgarib  qolar.

Uchinchi  guruh vakillari -  Bechoralar  vatan kim, kim vatan ekanligini bilmaydilar. Kunduzi  qarsak  chalib, tunda och qorinlarini silab yotadilar.

Ular eng  achinarli guruh vakillari.  Naqadar  ko'pchilik ular.

Bugungi  o'zbek  yoshlarining asosiy maqasadi nima?

Ularni ham guruhlarga bo'lsak ancha oson bo'lardi chamamda.

a) Bir  amallab yuridik yoki iqtisodiyot  yo'nalishidagi oliygohni  bitirib olish va MXX,  Soliq  yoki  shunga o'xshash davlat organlarida ishlash.  (Izoh:  bu guruh vakillari intellektual va iqtisodiy jihatdan bir muncha  qulayliklarga ega).

b) Bir kunlik rizqlarini amallab topish ilinjida  har qanday ishni qilib korishga tayyor turish

c) boshqa maqsad yo'q. Bo'lishi ham mumkin emas.

Birodar,  nega  jim bo'lib qoldingiz. Yoki siz ham nenga o'xshab yig'lash arafaisda turibsizmi?  Fotograf akamiz ko'rib qolmasidan  ko'z  yoshni  arting. Bunaqa kadr ham zarar  qilmaydi.  Bir kun asqotib qolar balki. Qachondir        "Kechagi  o'zbek yoshlari" fototanlovida g'oliblikni  olib berar.

Olygohni bitirib mardikorlik qilayotgan tengdoshingiz Rasul Ne’matov.