Андижонлик
қочқинлар
тузоқда
“Туронзамин” рўзномаси муҳим бир тадбир ҳақида маълумотни қўлга киритди. Тошкентдаги мухбиримизга маълум бўлишича, андижонлик қочқинларни Ватанга қайтариш учун амалий тадбирлар режаси белгиланган. Бу билан БМТ, АҚШ ва Европага ўзига хос зарба бериш ва сайловлар олдидан халқни “сокинлаштириш” назарда тутилган.
Тадбирдан жумладан қуйидагиларни билиш мумкин׃
-Ўзбекистон
президентининг
Ватанга қайтган қочқинларни
авф этиш
ҳақидаги
фармони тайёрланатгани ҳақида қочқинларни ишонтириш,
-Андижон вилоят ва шаҳар раҳбариятига қочқинларнинг яқинларига миллий хавфсизлик ва ички ишлар идорлари, маҳаллий ҳокимият ҳамда маҳала оқсоқоллари орқали тинимсиз босим ўтказиш, яқинлари қайтган тақдирда улар авф этилишини уқтириш,
-Андижон воқеаларидан кейин қамалганлар, хусусан Акра Йўлдошев ва унинг яқин сафдошлари ишга солинган ҳолда агар четга кетган яқинлари қайтсалар уларга енгил бўлиши ҳақида уқтирилиб, шу йўл билан босимни кучайтириш. Бошқача айтганда керак бўлса, Акрам Йўлдошевга яна бир марта қўл телефонини бериш,
-Айниқса, Америкага кетган қочқинларни орқага қайтариш учун улар билан бирга кетган Акрам Йўлдошевнинг хотинини ишга солиш, биринчи галда уни орқага қайтариш ва ҳоказо.
Ўзбекистон Инсон ҳуқуқлари ташкилотининг раиси Толиб Ёқубовнинг хотирлашича бундан бир неча йил олдин ҳукумат четга кетиб қолиб, исломий ҳаракатларга қўшилганларни ортга қайтариш бўйича ҳам капмания бошлатганди.
Дарҳақиқат,
ўшанда улар қайтсалар авф этилишлари ҳақида президентнинг ўзи телевидение орқали эълон қилганди.
Лекин қайтганларга бир муддат индалмади.
Улардан баъзилари,
ота-оналари телевизор ва радиоларга чиқиб,
ҳукуматнинг раҳмдиллиги ҳақида оғиз кўпиртириб гапиргандилар.
Орадан кўп ўтмай уларни Жаслиққа жўнатишди,
баъзилари яна қочиб кетди ва авф этиш ҳақидаги гап шунчаки алдов бўлиб чиқди.
Бу сафар ҳам айни усул қўлланилмоқда.
Аллақачон Андижонда қочқинларнинг яқинларига кучли босиб бошланган.
Қамоқлардан чиқаётган хатлар тезликда чет эллардаги яқинларига етиб бормоқда.
Андижонлик қочқинларга ушбу масалада савол билан мурожаат қилган фаолимиз Акрам Маҳмедов׃
-Қочқинларнинг кўпчилиги бизнинг штатга келган,-деди.-Бугун билишимча ҳақиқатдан ҳам улар орасида Ватанга қайтиш учун жиддий иш олиб борилган.
Ҳатто қайтсак яқинларимизга енгиллик бўлар экан дея АҚШ маъмурларига мурожаат ҳам қилганлар бор.
Баъзиларнинг
қайтиш ҳақидаги ҳаракатидан кейин бошқалар ҳам қимирлаб қолганлар,-деди.
Аслида
Ўзбекистон ҳукумати
қочқинларни қайтариш
учун бошидан
бошлаб тузоқ
тузганди.
Хонанда
Шерали
Жўраев ва бошқалар
Қирғизистонга
юборилгани
ва Ватанга қайтинглар
деб ташвиқот
юритишгани,
Руминияда ҳам
қочқинлар ҳузурига
махсус
элчилар қатнаб
тургани
маълум. Энди
уларни
доимийга
жойлашган
жойларидан қайтариш
билан ҳукумат
бирданига
учта қуённи
урмоқчи.
1. Халқаро
жамоатчиликни
сизлар йўқ
нарсани
кўпиртириб, қочқинларни
дарбадар қилдингизлар
деб
айблаётганини
далилламоқчи.
2. Ўзбек
халқига
осмонга чиқсанг
оёғингдан,
ерга кирсанг қулоғиндан
тортиб олиб
келаман дея
дарс бериб қўймоқчи.
3.
Андижон воқеаларида
Каримов қотиллик
қилган эмас, балки
қаҳрамонлик
кўрсатган
деган
нарсани
бугунги вақтинчалик
тарихга ёзмоқчи.
Аммо энг
муҳими бу
ишлар ҳукумат
сайловни “теп-текис”
ўтказиш учун қаттиқ
киришганини ҳам
кўрсатмоқда.
Манба׃ “ТУРОНЗАМИН”
рўзномаси.